18 красавіка 2022

17 сакавіка адбыўся круглы стол "Развіццё інтэлектуальнага патэнцыялу лічбавай трансфармацыі Рэспублікі Беларусь" на базе Міжнароднага цэнтра адукацыі НЦАТ.

Рэктары ВНУ, прадстаўнікі бізнесу і эксперты абмяркоўвалі пытанні і прыярытэты развіцця адукацыйнай дзейнасці ў Беларусі з улікам укаранення інфармацыйна-камунікацыйных тэхналогій ва ўсе сферы жыцця грамадства, а таксама стварэнне спецыялізаванай адукацыйнай платформы на базе Міжнароднага цэнтра адукацыі НЦАТ. Правядзенне такіх мерапрыемстваў дае магчымасць акумуляваць ідэі і прапановы і абменьвацца вопытам работы ў сферы лічбавай трансфармацыі.

Круглы стол прайшоў пад эгідай Аператыўна-аналітычнага цэнтра пры Прэзідэнце Рэспублікі Беларусь і Міністэрстве адукацыі Рэспублікі Беларусь.