Аб паслуге

Дадзеная паслуга дазваляе перадаваць інфармацыю любога віду (голас, даныя, відэа) з рознымі інтэрфейсамі з дапамогай магістральных сетак сувязі праз найкарацейшы маршрут паміж Масквой і Заходняй Еўропай па тэрыторыі Рэспублікі Беларусь.

Транзітныя каналы праз Рэспубліку Беларусь уяўляюць сабой поўнасцю наземны маршрут, які дае магчымасць забяспечыць надзейнасць, хуткае аднаўленне працаздольнасці канала.

Рэспубліканскае унітарнае прадпрыемства "Нацыянальны цэнтр абмену трафікам" пабудавала і эксплуатуе са студзеня 2013 года высакахуткасную магістраль сувязі Масква-Мінск-Франкфурт-на-Майне.

Магістраль пабудавана на абсталяванні DWDM кампаніі Huawei. Ёмістасць магістралі складае звыш 10 Тбіт/с, пры гэтым абсталяванне DWDM дазваляе ажыццяўляць перадачу трафіку пасродкам аднаго аптычнага канала з прапускной здольнасцю ад 100 Гбіт/c.

Час праходжання сігналу ад Масквы да Франкфурта-на-Майне складае менш за 29,5 мс, што робіць магістраль самым кароткім маршрутам з Азіі ў Еўропу.

Каналы прапускной здольнасцю N*10 Гбіт/с і N*100 Гбіт/c арганізоўваюцца па запытах кліентаў і дазваляюць перадаваць любы від інфармацыі: голас, дадзеныя, відэа.

Больш падрабязна аб высакахуткаснай магістралі Масква - Мінск - Франкфурт-на-Майне, інфраструктуры оптавалакновых ліній сувязі па Рэспубліцы Беларусь і пунктах прысутнасці ў DATA-цэнтрах.